Bota

Kabul, zbardhet shpërthimi në selinë e NATO-s

12/12/2013 00:00

Shpërthimi i fuqishëm i verifikuar më herët në Kabul të Afganistanit ishte një aksident në një depo armësh, kanë raportuar autoritetet afgane.

Shefi i policisë së Kabulit deklaroi se një raketë kishte shpërthyer aksidentalisht brenda Drejtorisë së Sigurisë Kombëtare dhe për fat të mirë nuk pati viktima.

Ministria e Brendshme afgane deklaroi për BBC se nuk bëhej fjalë për një akt terrorist, sikundër u kualifikua ngjarja në fillim.

Misioni i trupave aleate në Afganistan, ISAF konfirmoi se shpërthimi ndodhi rreth orës 10:20 pranë selisë qendrore të NATO-s në kryeqytetin afgan.

Ndërkohë, ditën e mërkurë një atentator vetëvrasës shpërtheu auto-bombën e tij në afërsi të aeroportit të Kabulit, për fat të mirë pa shkaktuar viktima.

Në këtë rast komanda e aleatëve deklaroi se shënjestër e sulmit ishte një autokolonë e ISAF që po shkonte në aeroport, por shpërthimi u bë para kohe.

Top Channel