Dënim me vdekje ekstremistit islamik

Kader Mullah ishte parashikuar të ekzekutohej të martën, por siguroi një shtyrje të përkohshme në minutën e fundit.

Lideri islamik ishte dënuar në shkurt për krime kundër njerëzimit gjatë luftës së vitit 1971 për pavarësi nga Pakistani. Nga ana e tij ai i mohon akuzat.

Gjyqi i zhvilluar ndaj tij më herët gjatë vitit shkaktoi protesta të mbështetësve të partisë së Mullah, Jamaat-e-Islami, të cilët akuzuan qeverinë për hakmarrje politike. Kjo e fundit vijoi me burgimin e disa prej liderëve të partisë.

Mullah u dënua në shkurt dhe fillimisht me burgim të përjetshëm. Por shumë protesta të tjera u zhvilluan, këtë herë nga njerëzit që kërkonin dënimin e tij me vdekje, një lëvizje që detyroi Parlamentin të amendonte një ligj që i lejon shtetit të apelojë çdo vendim të arritur nga gjykata e krimeve të luftës.

Në shtator Gjykata Supreme klasifikoi dënimin e tij në dënim me vdekje. Gjithësesi, grupet e të drejtave të njeriut kanë deklaruar se gjykata nuk arriti të plotësonte standartet ndërkombëtare.

Top Channel