Sport

F1, Pilotët: Alonso më i miri

27/11/2013 18:50

Ndonëse Sebastian Vettel fitoi titullin e tij të katërt radhazi si kampion i botës, të gjithë bien dakord se gjermani ka patur gjatë të gjithë këtyre sezoneve makinën më të mirë në dispozicion.

Në këto kushte, debati se cili është më i miri ende vazhdon dhe shumica e pilotëve, duket se bien dakord për nga cilësitë e pilotimit, Alonso është mbi të tjerët.

E përditshmja spanjolle “AS” u kujdes që të mblidhte deklaratat e shumicës së pilotëve të Botërorit, të cilët të pyetur se kush është më i miri mes Alonsos dhe Vettel thanë si më poshtë:

Red Bull

Webber: “Alonso dhe Vettel janë dy pilotë të mëdhenj. Mund të them vetëm që më pëlqeu shumë të luftoja me Fernandon në garën time të fundit”.

Ferrari

Massa: “Për mua janë të dy shumë të mirë. Vettel është kampioni, por Fernando më i miri”.

Mercedes

Hamilton: “Mendoj se Alonso, në timonin e një Red Bulli do të fitonte me më shumë thjeshtësi se sa Vettel”.

Rosberg: “Nuk e di nëse Alonso është më i miri, por me siguri midis tyre po. Është shumë i fortë, shumë i kompletuar. Më i mirë se Vettel? Mbase…”.

McLaren

Perez: “Këtë pyetje e kam dëgjuar edhe herë të tjera e ndonëse sivjet fitoi Vettel, për mua më i miri mbetet Alonso”.

Button: “Nuk di të them”.

Williams

Maldonado: “Mendoj se Vettel është shumë i mirë, por nëse do të isha shef skuadre do të zgjidhja Alonson. Është një gjeni”.

Bottas: “Shumë e vështirë të zgjedhësh. Nuk i ndaj dot”.

Lotus

Kovalainen: “Alonso, për mua është e qartë. Gjithmonë ka dhënë më shumë nga ajo që ka pasur mundësi të bëjë. Është një virtyt që në disa momente e kemi parë vetëm tek ai.

Grosjean: “Po më bëni një pyetje të vështirë. Sinqerisht, nuk e di”.

Sauber

Hulkenberg: “E pamundur të zgjedhësh”.

Gutierrez: “Alonso. Është më i miri nga të gjithë ne”.

Force India

Sutil: “Mund të them vetëm që janë të dy fenomenalë”.

Di Resta: “Është e vështirë. Vettel është kampioni, por Fernando…. Çfarë mund t’iu them për të që nuk e dini tashmë?”.

Toro Rosso

Vergne: “Më duket se do të jem unë ai që do të dal kundër rrymës. Për mua, më i miri është Vettel”.

Ricciardo: “Vettel. E admiroj Fernandon, por për mua më i miri është pa dyshim Vettel”.

Caterham

Van der Garde: “Të dy, me të vërtetë që nuk mund t’i ndash”.