Së bashku për një mjedis më të pastër

Bëhet fjalë për ato vende ku nuk paraqitet rrezikshmëri dhe pastrimi bëhet në kushte të thjeshta. Nisma nuk është e re. Estonia dhe Kosova kanë kryer aksionin paraprakisht dhe vullnetarë nga vendet e tyre pritet të japin kontributin në vendin tonë ku fushata organizohet nga “Greenline Albania”, si pjesë e një nisme botërore.

Të rinj, të reja kryesisht, por edhe vullnetarë të të gjitha moshave, për një kohë të gjatë kanë ngritur rrjetin e parë të hartës dixhitale ku paraqiten zonat dhe vendgrumbullimet e mbeturinave më problematike. Këto të dhëna do t’i vihen në dispozicion qeverisë qendrore dhe asaj vendore për të marrë më pas vendime se ku janë zonat ku nevojitet ngritja e landfilleve me urgjencë.

Ashtu si edhe në aksionin e organizuar në Estoni në vitin 2008 (vend i cili është iniciatori i lëvizjes botërore) apo në 107 shtete të tjera të Botës, aksioni në Shqipëri nënkupton përfshirjen e qytetarëve, autoriteteve qendrore dhe lokale, kompanive private, ndërmarrjeve të pastrim-gjelbërimit, operatorëve të grumbullimit të mbeturinave legale, figurave publike dhe mediave, në mënyrë që të mobilizojë të gjithë popullatën.

Objektivat afatgjatë? Sigurisht që janë ndërgjegjësimi i qytetarëve për të qenë më të përgjegjshëm ndaj mjedisit.

Top Channel