Arrestimi i shoferëve do të vazhdojë
18/11/2013 00:00
Tentuan të merrnin peng një 17-vjeçar dhe e goditën me thikë, arrestohen dy të rinj në Pogradec 01/04 11:06
Policia e Shtetit ngulmon ta marrë seriozisht aksionin e arrestimit të
drejtuesve të dehur të automjeteve dhe pa patentë, pavarësisht faktit të
lirimit të tyre nga Prokuroria apo Gjykata.
Drejtori i ri i Qarkullimit në vend, gjatë një konference per shtyp beri te ditur arrestimet e 10 diteve te para.
“Gjatë këtyre ditëve janë arrestuar gjithsej 135 persona, nga të cilët 27 persona janë arrestuar për drejtim mjeti nën gjendje te dehur dhe 108 persona janë arrestuar per drejtim mjeti pa patente. 52 persona janë drejtues autoveturash dhe 56 drejtues motorrash”, njoftoi Ervin Hoxha, drejtor i Qarkullimit Rrugor.
Policia e Shtetit është e vendosur të vijojë punën e saj me këto masa shtrënguese, si një detyrim ligjor me qëllim disiplinimin e përdoruesve të rrugës dhe rritjen e sigurisë në rrugë.
Hoxha thote se policia nuk ka qellim te mbushe burgjet me shofere te dehur apo pa patente, por te ule ne menyre drastike numrin e aksidenteve.
“Qëllimi i Policisë Rrugore nuk është për të mbushur burgjet, por qëllimi i Policisë Rrugore është për të shpëtuar jetët, për të parandaluar aksidentet dhe nëse në Kodin Penal këto vepra janë të parashikuara si të tilla dhe Policia e Shtetit nuk ka pse të tolerojë. Unë mendoj se ndryshimi i sjelljes së përdoruesve të mjeteve nëpërmjet ndëshkimit është eficent”, tha Hoxha.
Policia e Shtetit informoi gjithashtu se do te nise kontrolle te rrepta per mos perdorimi e rripit te sigurimit, perdorimin e celularit ne timon, si edhe per mosperdorimin e kaskave të motorrëve.
Top Channel
