Një striptiste duket se do t’i japë fund përgjithmonë ëndrrës së kryebashkiakut të qytetit amerikan të Newark-ut, Cory Booker, për të fituar një vend në Senatin Amerikan.
Revista rozë “TMZ”, publikoi të enjten një bashkëbisedim të Booker me vajzën e quajtur si Lynsie Lee, shumë e njohur për “komunitetin” frekuentues të lokave të natës në Portland.
Në një komunikim në “Twitter”, kryebashkiaku i pati shkruar striptistes: “I gjithë Bregu Perëndimor të dashuron dhe me Breg Perëndimor nënkuptoj veten”.
Zbulimi i këtij intimiteti me një striptiste pritet që ta përballë Bookerin me një presion të madh mediatik dhe thirrjet për dorëzimin e detyrës.
Kandidatura e kryebashkiakut për Senat përkrahej nga një numër i madh personazhesh publikë, përfshi aktorët Matt Damon apo Ben Affleck.
Top Channel
