Jack Nicholson ka qenë një përdorues i rregullt droge në vitet e para të karrierës së tij. Kështu shkruhet në biografinë e aktorit të famshëm hollivudian, tashmë 76-vjeçar.
Sipas kësaj biografie, të shkruar nga Marc Elliot, Nicholson nisi përdorimin e LSD-së në fillim të viteve ’60 dhe gjithashtu ka përdorur marijuanë dhe kokainë.
“Eksperiencat e Jack Nicholson me drogën i ndryshuan jetën atij. Pasi e provoi për herë të pare, ai mendonte se kishte parë Zotin”, shkruan Elliot.
Vetë aktori ka pranuar në intervista të mëparshme se substancat e paligjshme e kanë ndihmuar të jetë më kreativ në punën e tij.
Top Channel
