Qipro, konfiskohen llogaritë

30/07/2013 00:00

Qiproja arriti një marrëveshje përfundimtare me huadhënësit ndërkombëtarë për të konfiskuar 47,5 për qind të llogarive bankare të depozituesve më të mëdhenj të vendit, në mënyrë që të ndihmohet financimi i fondit 13 miliardë dollarësh të shpëtimit.

Vendi mesdhetar sqaroi se masa e konfiskimit të pasurisë do të vlerësohet për t’u marrë ndaj llogarive në Bankën e Qipros me 133 mijë dollarë ose më tepër, një pjesë e të cilave janë depozita të investitorëve të huaj, përfshirë ato të shtetasve të pasur rusë.

Megjithatë, vlera përfundimtare e vendosur për taksën, është më pak se 60 për qind e shifrës që disa ekspertë financiarë parashikuan se do të ishte e nevojshme per financimin e paketës së ndihmës.

Top Channel