Korriku sjell rritje temperaturash
30/06/2013 00:00
Fshehin vendndodhjen e nipit 3-vjeçar dhe gjyshes së tij, nis seanca në Gjykatën e Durrësit për gjyshin dhe kunatin e tij 19/04 13:52
Java e parë e korrikut do të sjellë rritjen graduale të temperaturave në të gjithë vendin dhe fillimin e një moti më të qëndrueshëm, krahasuar me ditët e qershorit.
Sipas sinoptikanëve, dita e diel ka shënuar ulje të temperaturave, duke shënuar 28 gradë celcius në vlerë maksimale, si dhe është shoqëruar me vranësira dhe reshje, të cilat janë të lokalizuara kryesisht në zonat malore të territorit të Shqipërisë.
Shkak për këtë është qarkullimi në vend i masave ajrore, që vijnë nga veri-perëndimi i Europës.
Por, moti i paqëndrueshëm – sipas sinoptikanëve – do të pasojë në fillim të javës nga një mot i kthjellët dhe më i ngrohtë.
Kështu, ditën e hënë, temperaturat parashikohen të pësojnë një rritje prej tre gradë celcius, duke shënuar 31 gradë. Rritje graduale të temperaturave do të ketë edhe ditën e martë dhe në ditët e tjera, që pasojnë fillimin e periudhës së nxehtë të stinës së verës.
Top Channel
