Berisha premton ujësjellësin
01/06/2013 00:00
Komisioni hetimor i Shëndetësisë, PS miraton planin e punës në mugesë të opozitës 25/04 15:28
Në Kavajë, kryeministri Sali Berisha ka premtuar 250 mijë vende të reja pune si edhe uljen e taksave. Berisha tha se së shpejti do të ndërtohet ujësjellësi i madh i Kavajës.
“Për të krijuar 250 mijë vende të reja pune kemi vendosur të heqim çdo taksë e çdo tarifë doganore për makineritë dhe mjetet që bizneseve do u duhen për prodhim në Shqipëri.
Ujësjellësi i Kavajës ka gati projektin, ka gati fondin dhe do të ketë 24 orë në ditë ujë për Kavajën dhe zonat përreth”, deklaroi kreu i PD-së.
Në Kavajë, Berisha ka akuzuar sërish jo vetëm kreun e PS-së, Edi Rama, por edhe kreun e Bashkisë së këtij qyteti në lidhje me një deklaratë të bërë ditë më parë për heqjen e monumentit në qendër të qytetit: “Kavaja është gracka ku shpalle platformën e urrejtjes ndaj demokracisë. Ky është sheshi i historisë dhe mjerë ai që guxon të prekë përmendoren.”
Top Channel
