Nacionalizmi, Fyle kritikon Tiranën

“Shqipëria tregon “kreativitet”. A është nacionalizmi, në formën që e dëgjojmë nga Tirana, vërtet i bazuar në vlera euroatlantike?”, ngre pyetjen retorike Stefan Fule, me ironi në lidhje me kreativitetin, të cilin e ka përfshirë në thonjëza.

Pas Beogradit komisioneri pritet të vizitojë të martën Prishtinën, për të biseduar për reformat europiane dhe për zhvillimet e dialogut Serbi-Kosovë. Ndërkohë, kabineti i komisionerit njoftoi se më 25 mars Fule do të vizitojë edhe Tiranën.

Përveç fjalimit kryesor për integrimin europian, në një konferencë me qytetarët, shoqërinë civile dhe biznesin, komisioneri pritet të inagurojë edhe një faqe interneti të Delegacionit të BE-së në Tiranë, e cila synon të jetë një platformë për të gjithë ata që interesohen për integrimin e Shqipërisë në BE.

Në fillim të muajit Fyle reagoi ndaj vendimit të mazhorancës qeverisëse për mbajtjen e një referendumi mbi dy ligjet e mbetura dhe ndryshimin e rregullores së Kuvendit. Komisioneri deklaroi se referendumi mbi këto 3 çështje është qartazi e kundërta e asaj çfarë kërkon Bashkimi Europian. 

“Kam theksuar vazhdimisht se ligjet e në veçanti rregullorja e Kuvendit duhet të miratohen me konsensus mes opozitës dhe qeverisë, ndaj dhe është e vështirë për të kuptuar këtë vendim që shkon kundër frymës së përfshirjes”, deklaroi Fyle.

Top Channel