Vlorë, vuante nga depresioni, vetëvritet e moshuara
19/02/2013 00:00
Një grua e moshuar ka gjetur vdekjen mëngjesin e të martës në qytetin e Vlorës, pasi është hedhur nga kati i tetë i një pallati.
Sipas policisë së Vlorës, ngjarja e rëndë ka ndodhur në një pallat në zonën e Skelës.73-vjeçarja Menekshe Zotaj ka ndërmarrë aktin e rëndë të vetëflijimit ndërsa ndodhej e vetme në shtëpi.
Policia ka mbërritur menjëherë në vendngjarje dhe ka nisur hetimet për zbardhjen e rrethanave në të cilat ka ndodhur vetëvrasja. Mësohet se e moshuara vuante nga depresioni dhe nga probleme të tjera shëndetësore çka dyshohet ta ketë shtyrë drejt vetëflijimit, por policia është duke hetuar edhe në pista të tjera.
Top Channel