Ndue Nika: Gjaku lahet me gjak
08/02/2013 00:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ndue Nika, babai i Aleks Nikës, vrarë në protestën e 21 janarit para Kryeministrisë, deklaron se ai e di kush është vrasësi i djalit të tij, por kërkon që shteti ta tregojë atë. Pas vendimit të gjykatës për pafajësinë e gardistëve, Ndue Nika përmend hakmarrjen.
“Djali im nuk është vrarë në rrëzën e Dajtit për horrllëk, por në sheshin e Tiranës. Shteti të tregojë se kush e ka vrarë, të bëhet zbulimi dhe të bëhet drejtësia. Nuk jam trim, nuk kam qenë dhe as kam për të qenë, por gjaku i Aleks Nikës do të lahet me gjak sepse nuk më është dhënë e drejta. Si lirohen të burgosurit e vrasësit me urdhër të Berishës? Është vrasja e dytë që më ka bërë Berisha”, thotë Ndue Nika.
Prokuroria ende nuk e ka paraqitur akuzën për personin që qëlloi dhe vrau Aleks Nikën. Vonesa lidhet me faktin se edhe provat u dërguan me vonesë për ekspertizë, sepse Aleks Nika pas plagosjes së rëndë u dërgua në Turqi për kurim, ku edhe ndërroi jetë.
Top Channel
