Eshtrat e zbuluara gjatë germimeve ne nje parking makinash në Leiçester, në Britani, i përkasin Rikardit të tretë, mbreti të fundit britanik të vrarë në fushën e betejës mbi pesë shekuj më pare.
Testet e ADN-së konfirmuan se skeleti i gjetur eshte vertet ai i njerit prej mbretërve më të famshëm të Anglisë, i masakruar në 1485-n në betejen e Bosëorthit.
Me të marrë lejen e gërrmimeve në zonë, arkeologët gjetën shumë shpejt fragmente pllakash mesjetare e copa qeramike.
Paskësaj, në muajin shtator erdhi rrëfimi i zbulimit të një skeleti me shenja goditjesh, që deshmonin për plagë të marra në lufte.
Ai kishte gjithashtu deformime te shtyllës kurrizore, të cilat duhet të jenë pasojë e një forme të rënde skolioze, që e bënte shpatullen e tij të djathtë të ngrihej dukshem me lart se tjetra.
Një e dhënë e tillë përkon me përshkrimet e kohës që i jane bërë Rikardit të Trete.
Kampionet e ADN-se konfirmuan plotësisht variantin e shkencëtarëve, u moren nga Michael Ibsen, një marangoz i lindur në Kanada, i cili besohet të jetë pasardhes i drejtëpërdrejtë i motrës së Rikardit, Anës së Jorkut.
Rikardi vdiq në moshën 32-vjeçare. Skeleti kishte 10 shenja plagesh, tetë nga të cilat ne kokë.
”Zbulimi mund te zgjidhë një prej enigmave më të mëdha mbi mbretin e vrazhdë”, thote “Reuters”, i cili u be i famshem nga pjesa qe Shekspiri shkroi për të.
Por, Rikardi vazhdon t`i perçajë historianet në Britani e jashte saj, sidomos lidhur me pretendimet se ka vrare dy niperit e tij te mitur per t`i marre fronin.
Top Channel
