Itali, vrasje e dyfishtë
17/01/2013 23:20
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Duket se është xhelozia, arsyeja e krimit të dyfishtë, që ndodhi sot pasdite në Aquila, ku një shtetas shqiptar vrau ish-bashkëshorten dhe personin, me të cilin ajo duket se kishte krijuar një lidhje të re.
Një ekzekutim i vërtetë, ai i kryer nga 48-vjeçari Burhan Kapllani, i njohur në qytet për ndërmarrjen e përpunimit të mermerit dhe për gjendjen e mirë ekonomike.
Me një revole kalibër 22, ai ka qëlluar fillimisht brenda në një makinë të parkuar, ish-të shoqen 35-vjeçare, Orieta Boshti, me të cilën kishte katër fëmijë. Më pas ka shtënë mbi Shpëtim Hanën, duke e qëlluar për vdekje pas shpine.
Më pas, vrasësi është dorëzuar dhe ndodhet i mbyllur në kazermën e karabinierëve, duke heshtur deri tani mbi arsyet e krimit.
Ndërkohë, forcat e rendit kanë mbyllur qendrën tregtare, ku ka ndodhur krimi i dyfishtë dhe kanë marrë në pyetje disa nga dëshmitarët.
Top Channel
