Rinas, arrestohet nënkomisar Çelmeta
10/12/2012 22:05
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Pas një hetimi intensiv disa mujor, strukturat e hetimit të Shërbimit të Kontrollit të Brendshëm, të Ministrisë së Brendshme, në bashkëpunim me Prokurorinë e Rrethit Gjyqësor Tiranë, arrestuan punonjësin e policisë, nënkomisar Eduart Çelmeta.
Ai ishte kontrollor në Komisariatin e Policisë së Kufirit&Migracionit, Aeroporti Rinas. Sipas Ministrisë së Brendshme, e cila servir edhe këto pamje gjatë momentit të arrestimit të tij, Çelmeta akuzohet për veprat penale, “korrupsion pasiv nga personat që ushtrojnë funksione publike” dhe “shpërdorim i detyrës”.
Ministria njoftoi se i arrestuari Çelmeta, në mënyrë të vazhdueshme, në kundërshtim me përmbushjen e rregullt të detyrës, në këmbim të përfitimeve të paligjshme financiare, në shuma që variojnë nga 400€ deri në 500€, ka lejuar kalimin e paligjshëm të kufirit shtetëror në Aeroportin e Rinasit, të shtetasve të ndryshëm.
Për të arrestuarin, n/komisar Eduart Çelmeta, Gjykata e Rrethit Gjyqësor Tiranë, kishte vendosur masën e sigurimit “arrest në burg”.
Top Channel
