Një 28-vjeçar i ka shpëtuar mrekullisht një atentati ndaj tij ditën e sotme në fshatin Guci të Shkodrës.
Sipas policisë së Shkodrës shtetasi, Prel Vala, banues në fshatin Boriç të Malësisë së Madhe ishte duke udhëtuar me automjetin e tij kur persona ende të paidentifikuar janë afruar me një tjetër mjet dhe kanë hapur zjarr ndaj të riut.
Fatmirësisht, 28-vjeçari nuk është prekur nga plumbat, por ka pësuar dëmtime të lehta, pasi për shkak të humbjes së kontrollit automjeti i tij ka përfunduar në një kanal. Policia po punon për identifikimin dhe kapjen e autorëve si dhe zbardhjen e plotë të rrethanave dhe shkaqeve të ngjarjes.
Top Channel
