Shtohen infeksionet spitalore

Specialistët deklarojne se shqetesues eshte ekzistenca e stafilokokut ne keto salla, shkaktar kryesor i infektimit te plageve te pacientit dhe qe ka fituar rezistence ndaj antibiotikeve.

“Përqindja e infeksioneve spitalore luhatet diku te 11 për qindëshi. Në Shqipëri kjo shifër është më e lartë shkon deri te 20-22 përqindëshi. Shumë e rëndësishme është vendosja e sistemit dhe e rregullave të lojës për t’i monitoruar këto infeksione dhe për t’i reduktuar ato, që ka të bëjë me ngritjen e njësive në çdo spital rajonal”, thotë Gjergj Koja, specialist i ISHP-së.

“Gati 30 për qind e plagëve operatore janë të infektuara dhe gati 20-30 për qind e tyre kanë antibiotiko-rezistencë”, thotë Silva Bino, specialiste e ISHP-së.

Specialistët thonë se tashmë janë gati protokollet klinike, qe do te zbatohen ne te gjitha spitalet rajonale të vendit për infeksionet spitalore. Sipas Binos 50 për qind e rasteve të protokolleve që përmbajnë mjekime me antibiotikë, është i gabuar.

“Në 50 për qind të rasteve përdorimi i antibiotikëve është ai që nuk duhet. Kjo ndodh për arsye se ka mungesa në lidhje me edukimin për përdorimin e antibiotikëve, mungojnë mekanizmat e kontrollit të përdorimit të antibiotikëve nëpër spitale. Një arsye tjetër është përdorimi i antibiotikëve pa kriter, si rezultat i përdorimit pa recetë të antibiotikëve”, tha Bino.

Specialiste te Shendetit Publik u bejne apel mjekëve dhe qytetarëve të bëjnë kujdes në përdorimin e antibiotikëve, pasi perveç rezistences, rriskut te jetes, eshte dhe kosto ekonomike.

Top Channel