Ahmetaj: Qeveria po zhyt KESH-in në kolaps
03/10/2012 20:10
Pullat fiskale i prodhon shteti, qeveria propozon që nga 1 janari 2025 ky shërbim të mos jetë më me koncesion
26/04 19:49
Opozita akuzoi qeverinë se po e zhyt Koorporatën Energjetike Shqiptare në kolaps financiar duke e detyruar të marrë borxh për të kompensuar importet e munguara të CEZ.
“KESH sot ka 300 milionë dollarë kredi dhe ka paaftësi paguese ndaj atyre që i kanë dhënë borxhin. Qeveria e detyron KESH-in të marrë kredi, ta përkeqësojë gjendjen financiare, ndërsa CEZ-in e lejon të abuzojë, duke dëmtuar qytetarët”, deklaroi deputeti Arben Ahmetaj.
Ahmetaj tha se kriza e sektorit energjitik është dëshmi e vendimeve të gabuara dhe dështimeve të qeverisë në menaxhimin e tij.
“Dështimi jo thjesht këtë vit por në vite me radhë ka të bëjë jo vetëm me modelin por dhe me privatizimet e sistemit elektroenergjitik shqiptar”, theksoi Ahmetaj.
Për deputetin socialist, kjo krizë nuk është pa kosto dhe këto të fundit po i ngarkohen të gjitha qytetarëve.
“Rrjedhoja e vetme është dëm ndaj qytetarëve, dëm ndaj sistemit, dëm serioz ndaj kompanisë publike e cila nuk dihet nëse do të mund të mbajë veten në 5 apo 7 vitet që do të vijnë”, nënvizoi Ahmetaj.
Situata energjitike u përkeqësua me shpejtësi pasi CEZ, në vështirësi financiare, ndërpreu importet duke detyruar qeverine të akordojë 50 milionë dollarë si garanci për KESH-in, për import energjie.
Top Channel
