Akciza, hyn në fuqi ligji

Në bazë të ligjit të vjetër akciza që paguhej për kafen ishte e diferencuar, më saktësisht 30 lekë për kilogram për kafen e papërpunuar dhe 140 lekë për atë që importohej e gatshme. Kjo skemë ka qenë në fuqi prej shumë vitesh, si një masë që mbështeste prodhimin vendas duke diferencuar barrën për produktet e gatshme dhe lëndët e para, të cilat përpunohen dhe marrin vlerë të shtuar në vend.

Por kalimi i akcizës nën administrim të doganave sjell një intepretim të ri të ligjit, i cili e rrit me disa herë barrën e akcizës për kafen e papërpunuar. Sipas ligjit, i cili hyn në fuqi në pas pak ditësh në datën 1 tetor të këtij viti masa e akcizës, njësohet si për kafen e gatshme ashtu edhe për atë që vjen si lëndë e parë nga importi.

Si rrjedhojë akciza për kafen e papërpunuar rritet menjehërë me disafish duke shkuar nga 30 lekë për kilogram që është aktualisht në 140 lekë për kilogram. Burime nga financat thonë se veç kafes, ligji i ri i prek edhe karburantin bruto që importohet për rafinim në vend, i cili edhe ky do të trajtohet njëlloj si karburanti i gatshëm.

Top Channel