Biznesi i vogël: Po falimentojmë

14/09/2012 00:00

Megjithëse në një orë të paradites që duhet të ishte edhe piku i punës,
tregu i shumicës në Kombinat ishte bosh dhe të vetmit që e kanë
vizituar atë sot ishin kryetari i socialistëve Edi Rama, i shoqëruar nga
deputeti i zones Saimir Tahiri, sekretari per Programin Ilir Beqja dhe
kreu i Njesise Bashkiake numer 6.

Biznesi i vogel eshte pothuaj i falementuar thone njeri pas tjetrit tregtaret, ku pjesa e tyre pohojne se jane ne prag te mbylljes se bizneseve per shkak te renies se fuqise blerese e rritjes drastike te çmimeve.

Por perpos cmimeve te rritura dhe renies se fuqise blerese, tregtaret thone se barra e tyre rendohet edhe nga taksimi i padrejte dhe gjobat nga tatimet.

Kryetari i opozites tha se per mijera biznese te vogla, qe jane edhe baza e jeteses se familjeve shqiptare qe nuk kane burime te tjera financiare, PS do te heqe taksen per kete lloj biznesi.’Taksa zero per biznesin e vogel, nje sistem i drejte taksimi dhe jo nje taksim i sheshte do te zbatohen nga PS’, u tha Rama tregtareve.

“Do t’ia heqim taksën biznesit të vogël do të bëjmë një sërë ndryshimesh që ne besojmë do të heqim edhe taksën e korrupsionit dhe taksën e kohës dhe të zvarritjeve. Do të vendosim një sistem drejtësie në barrën e taksave, kush fiton më pak do të paguajë më pak, kush fiton më shumë do të paguajë më shumë”, tha Rama.

Taksa zero per biznesin e vogel dhe taksimi i drejte qe PS do te aplikoje tha kryetari i saj, do t’i japin frymëmarrje ketij biznesi.

Top Channel