Pleqëria e “dhjamur” e politikës

Por skema ka perjashtime me perfitime te dukshme per ligjvenesit dhe qeveritaret. Privilegjet fillojnë që pa ardhur mosha e pensionit. Në bazë të ligjit të pensioneve suplementare një deputet, qeveritar apo zyrtar i lartë i funksioneve kushtetuese, në rast se largohet nga detyra dhe fillon një punë tjetër me pagë më të ulët, përfiton menjëherë nga skema e sigurimeve diferencën mes pagës që ka patur në fuknsionin shtetëror dhe pages së re.  

Ky është privilegji i parë që pasohet nga një tjetër. Ai i të drejtës për të përfituar pension që në moshën 55 vjeç. Sipas ligjit, një ish-deputet apo funksionar i lartë që largohet nga detyra në moshën 55-vjeçare ka të drejtë të përfitojë një pension të barabartë me 50 për qind të pagës së tij për tre vjet. E thënë në vlerë pagesa për një deputet, që ende nuk e ka mbushur moshën për të dalë në pension, arrin në rreth 60 mijë lekë për tre vjet.

Privilegjet shtohen kur këta funksionarë mbushin moshën zyrtare të pensionit. Sipas ligjit, veç pensionit të zakonshëm, që merr çdo qytetar tjetër deputetët, qeveritarët dhe ish-zyrtarët e lartë kanë të drejtë të marrin pensionin shtesë, i cili rritet në përpjestim me vitet që kanë mbajtur në detyrë dhe mund të arrijë deri në 75 për qind të pagës së tyre ose deri në 120 mijë lekë në muaj.  

Nëse Kryeministri do të dilte në pension pagesa që do përfitonte sot do jete rreth 170 mijë lekë ose tete here me shume se pensioni maksimal i nje qytetari te zakonshem. Ndërsa krahasuar me një pension mesatar në fshat shifra është 25 herë më e madhe. Ndryshimet ligjore që lidhen me këto privilegje, janë miratuar në të gjitha rastet me vota të plota në parlament. Këto ditë deputetët janë duke diskutuar që të heqin imunitetin, për t’u bërë siç thotë kryeministri të barabartë me qytetarët. Por në fakt, imuniteti nuk është dallimi i vetëm që ata kanë me qytetarët.

Ndaj ne mos politika nuk vendos te ule perftimet per vete, te pakten te krijoje nje skeme, prej te ciles qytetaret te perfitojne me shume.

Top Channel