Britania dyfishon ndihmat për rebelët sirianë

Ministri bëri me dije se 500 mijë paund shtesë do t’i akordohen grupeve që kundërshtojnë regjimin brenda dhe jashtë vendit arab.

Në një fjalim nga Londra, Hague i bëri një thirrje të re Assadit që të pranojë se ai nuk ka më asnjë shpresë për të mbijetuar si figurë politike.

Deklarata e Hague vjen ndërsa një raport i ri i OKB-së vlerësoi numrin e viktimave në një vit përleshje të rebelëve me trupat qeveritare në 9 mijë persona.

Fondet që do të akordojë Londra zyrtare do të kenë si qëllim stërvitjen e aktivistëve dhe gazetarëve amatorë, në mënyrë që të realizohet një koordinim dhe mbulim më i mirë i protestave brenda vendit.

Megjithatë, mediat britanike janë treguar kritike ndaj deklaratës së Hagues, pasi mbështetja e Britanisë për rebelët vjen në një moment kur një plan i ndërmjetësuar nga Annan ka arritur të krijojë shpresa për mundësinë e vendosjes së një armëpushimi.

Top Channel