Joga me instruktor nudo ndau Kardashian

Krisja në marrëdhënien e ciftit ka ndodhur në një hotel të Nju Jorkut, ku bashkë me ta jetonte edhe motra e Kim, Kourtney. Kris është tronditur kur ka parë në dhomën e hotelit të prenotuar nga ai dhe Kim, instruktorin jogës krejtësisht nudo që po u jepte leksione motrës së Kim dhe dy mikeshave të tjera të familjes Kardashian.

“Kjo është e shpifur, kjo është shtëpia ime! Është mungesë respekti!”, mësohet të ketë thënë Kris duke i kërkuar më pas Kimit që të largonte motrën e saj, madje duke dalë edhe vullnetar që t’i paguante një dhomë tjetër Kourtney-t në një tjetër kat.

Kim është munduar ta qetësojë Kris, duke thënë se s’kishte asgjë për t’u shqetësuar dhe se bëhej fjalë për një kurs joge. Ajo ka shkuar më tej duke iu bashkuar grupit të jogës nën leksionet e instruktorit nudo.

Kjo mesa duket ka tronditur edhe më tej Kris, i cili i ka thënë Kimit se kjo mënyrë jetesë do ndikonte në formën e tij sportive, pasi e pengonte të stërvitej. Këtu ai ka vendosur të rikthehet në Minesota për të vazhduar me jetën e tij të mëparshme, ndërsa Kim nuk është munduar ta ndalë atë.

Top Channel