Kinema, Bollivudi sfidon Hollivudin
24/11/2011 00:00
Brikena rrëfen linjën e jetës për “Goca dhe Gra”: Nuk dola si fituese nga Big Brother, por si kryefjalë 09/05 08:42
Një nga shtëpitë më të njohura të prodhimit kinematografik në Indi,
“Yash Raj Films”, ka vendosur të synojë audiencën ndërkombëtare, duke
hapur filialin e saj në Hollivud.
Lajmin e kanë bërë të ditur agjencitë indiane, sipas të cilave dega indiane në Shtetet e Bashkuara do të mbajë emrin “YRF Entertainment”.
Kompania e re, thuhet në një komunikatë, do të përqendrohet në zhvillimin dhe prodhimin e filmave për tregun amerikan dhe atë ndërkombëtar.
Për nisjen e aventurës së re, administratori i kompanisë ka zgjedhur filmin “The Longest Week”, të Peter Glantz.
Bollivudi është një nga industritë më të mëdha të kinematografisë në botë dhe shpesh herë është konsideruar si rivali i Hollivudit, edhe pse ky i fundit ka një epërsi të fortë.
Filmat indianë kanë zakonisht një metrazh shumë të gjatë, përtej standartit 1 orë e 30 minuta dhe janë të shoqëruar me sekuenca muzikore me vallet indiane.
Top Channel
