Tunizi, ndahen postet kryesore të shtetit
22/11/2011 09:45
Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Tre partitë kryesore të Tunizisë kanë vendosur se kush do të mbajë postet kryesore në qeverinë e koalicionit.
Hamadi Jebali, nga partia islamike Enahda, do të jetë kryeministër, Moncef Marzouki nga Kongresi i Republikës do të jetë president, ndërsa Mustafa Ben Jaafar do të jetë kryetar i Parlamentit.
Enahda fitoi zgjedhjet e muajit të kaluar, që ishin dhe zgjedhjet e para të lira që u zhvilluan që nga rënia e presidentit Ben Ali në janar, pas 23 vitesh në pushtet.
Rrëzimi i Ben Ali nga posti i kreut të shtetit ishte e para nga vala e protestave popullore që përfshinë Lindjen e Mesme dhe që sollën një rotacion politik në rajon.
Rezultatet zyrtare tregonin se partia islamike e moderuar, Enahda, mori 89 vende në Parlamentin me 217 vende, Kongresi i Republikës mori 29, ndërsa partia e qendrës së djathtë Etakatol 21.
Parlamenti është ngarkuar ndërkohë me detyrën e hartimit të kushtetutës. Ai pritet të mblidhet më vonë gjatë së martës për të konfirmuar marrëveshjen për ndarjen e posteve.
“Ne kemi një marrëveshje për të organizuar zgjedhjet për një periudhë më të shkurtër se një vit”, deklaroi Nourdine Bhiri, zëdhënës i Enahdas.
Emërimet do të kërkojnë aprovimin e asamblesë kushtetuese. Tre liderët kanë një histori opozite ndaj regjimit të ish-presidentit Ben Ali.
Top Channel
