Steven Tyler në spital

Janë mediat vendase të cilat kanë raportuar se këngëtari ka qenë në dhomën e tij të hotelit kur është ndjerë keq dhe personeli i vënë në alarm ka njoftuar një ambulancë për t’i dhënë atij ndihmën e parë në urgjencën e një spitali.

Sipas gazetës më të madhe vendase, “ABC”, e cila ka cituar një prej punonjësve të hotelit që ka konfirmuar këtë lajm, ku theksohet se është transportuar drejt urgjencës së spitalit duke mos dhënë komente për shëndetin e Tyler dhe nuk ka dhënë asnjë informacion se çfarë ka ndodhur me këngëtarin.

Gazeta paraguajane shkruan gjithashtu se këngëtari 63-vjeçar ka kaluar plot 3 orë në spital dhe sipas këtij raporti, këngëtari ka humbur 2 prej dhëmbëve të tij, çka mendohet të jetë shkaktuar nga ndonjë përplasje e mundshme e tij me objekte të forta.

Tyler gjendej në Paraguaj për të performuar në një festival rroku . “ABC” raporton se koncerti i parashikuar të mbahej këtë të enjte do të shtyet për një datë tjetër të përcaktuar një prej ditëve të mbajtjes së këtij festivali.

Top Channel