Moore-Kutcher pranë pajtimit?
25/10/2011 19:00
Nga planet për fëmijë tek… Shqipja dhe Bledi flasin si burrë dhe grua! Kush thotë më shumë ‘të dua’? 25/11 11:05
Demi Moore dhe Ashton Kutcher mund të jenë drejt pajtimit, pasi aktorja u pa duke qëndruar në sheshin e xhirimeve të filmit “Two and a Half Men”, ku bashkëshorti i saj është protagonist.
Martesa 6-vjeçare e çiftit hollivudian u trondit nga publikimi i historisë së tradhëtisë së aktorit, i cili kaloi natën me një 22-vjeçare në një hotel në san Diego.
Megjithatë, sipas revistës “US Weekly”, 48-vjeçarja shkoi të vizitonte Kutcher në ambientin e tij të punës, e shoqëruar nga vajza e saj Rumer, babai i së cilës është aktori Bruce Willis.
“Demi nuk hyri në sheshin e xhirimeve, nuk e bën kurrë këtë kur nuk është filmi i saj. Ajo u fut në kamionin e madh të pajisjeve dhe qëndroi atje deri në përfundimin e ditës së punës”, deklaroi një burim.
Nga ana e tij, Ashton u duk në një gjendje të mirë humori, ndërsa pas xhirimeve shkoi dhe përqafoi Moore, si një çift normal.
Ndërkohë, pajtimi i mundshëm nuk ka pushuar shqetësimet rreth shëndetit të aktores, e cila brenda pak kohe ka humbur shumë kile, duke marrë një imazh “skeletik”.
Top Channel
