Hetim gjykimit të Bares

Burime te sigurta te Top Channel thane se inspektoret kane zbarkuar ne Gjykaten e Krimeve te Renda kete te merkure dhe po verfikojne te gjitha dosjet, ku eshte i regjistruar emri i Aldo Bares. Burimet thane se po verifikohen procedurat qe ka ndjekur kjo gjykate qe nga vleftesimi i mases se sigurise ne mungese shpallur ne 2006, kohe ne te cilen Aldo Bare u arrestua ne Ankara dhe u mbajt ne paraburgim ne Turqi ne pritje per te ekstraduar.

Po ashtu po verifikohet edhe gjyqi i nisur ne mungese ndaj Aldo Bares, ne nje kohe qe i pandehuri VIP ndodhej akoma ne Turqi. Shkak i ketyre verifikimeve thane burimet eshte nje nga argumentimet qe Gjykata e Apelit deklaroi per prishjen e vendimit, ate te shkeljeve te renda proceduriale.

Ne fakt shkeljet proceduriale jo pak here i ka ngritur ne gjykim edhe avokati i te pandehurit, i cili ka kembengulur dy here se Aldo Bares nuk i eshte komunikuar akuza ne kohen qe ishte ne Turqi, se Aldo Bares i kane perfunduar afatet e paraburgimit per shkak te mbajtjes ne paraburgim tre vjet ne Ankara derisa ai u ekstradua,  si dhe mos saktesimin e pozicionit te njeriut kyc ne kete proces Gramoz Selmanit.

Sipas avokatit, prokuroria vite me pare ka nisur hetimet per ngjarjet e ndodhura ne Lushnje dhe pa nje vendim pushimi atij i ndryshon statusi ne deshmitar dhe i mbrojtur i drejtesise. Megjithate derisa te perfundoje inspektimi i Ministrise se Drejtesise, pritet cdo te beje Prokuroria dhe avokati mbrojtes, nese do t’i drejtohen apo jo gjykates supreme per t’u ankuar per vendimin e Apelit. Ajo qe eshte deklaruar publikisht eshte se avokati i Bares pritet t’i drejtohet Gjykates se Larte per pushim te ceshtjes dhe per pafajesi te njeriut me te perfolur, pas te cilit te tjere persona ndodhen te denuar per pjesemarrje ne organizaten e tij si dhe akuza te tjera.

Top Channel