Zoe Saldana: Avatar më shkatërroi nervat
10/08/2011 16:45
Artistja 77-vjeçare Cher tregon pse lidhet me djem të rinj dhe pse refuzoi takimin me Elvis Presleyn 03/05 14:54
Zoe Saldana rrëfen se ka pasur kriza nervore në vitin 2009, pas përfundimit të filmit “Avatar” të regjisorit James Cameron në të cilin interpreton Neytiri-n.
Promovimi i filmit dhe në të njëjtën kohë puna për projektet e tjera e çuan në një krizë të thellë.
“Viti pas filmimit të “Avatar” ka qenë shkatërrues nga pikëpamja emocionale. Udhëtoja në të gjithë botën, nuk mësohesha dot me ndryshimin e orareve në vende të ndryshme dhe isha e rraskapitur”, tregon aktorja 33-vjeçare për revistën ‘Latina’.
Kriza erdhi gjatë xhirimeve të filmit “Columbiana”: “Isha në Paris dhe mbaj mend që qaja gjithë kohës në dhomën e hotelit. Vetëm flija dhe qaja.”
Por, Saldana ka tashmë metodën e saj me të cilën duron stresin e Hollywood-it: “Kur nuk punoj, thjesht rri në shtëpi duke mos bërë asgjë. Madje nuk i përgjigjem telefonit apo e-mail-eve.”
Top Channel
