PD, letër PS-së për reformën zgjedhore
16/07/2011 15:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Një letër e dërguar që të mërkurën në adresë të kryetarit të grupit
parlamentar të Partisë Socialiste, Gramoz Ruci, ka mbetur pa përgjigje.
Letra ishte shkruar prej Astrit Patozit, homologut demokrat të zotit Ruci, ku, qe ne fillim, shprehte mendimin e mazhorances se, pas perfundimit te zgjedhjeve, ka ardhur koha per nje proces te gjere bashkepunimi.
Zoti Patozi thote se ky bashkepunim mes dy forcave te medha politike duhet te jete ne funksion te zgjedhjeve te ardhshme parlamentare dhe ne interesin me te mire te vendit. Por, megjithese letra i eshte dorezuar zotit Ruci qe te merkuren dhe aty propozohej edhe nje date takimi, me 15 korrik, domethënë të premten, deri me tani, sic konfirmon zoti Patozi per Top Channel, nga zoti Ruci nuk ka marre asnje pergjigje, por duke mos e marre si nje refuzim, ai thote se mbetet i hapur per cdo dite tjeter takimi, ne menyre qe te diskutohet per problematiken e ngritur ne leter.
Ne emer te grupit parlamentar te Partisë Demokratike, Astrit Patozi, e fton Gramoz Rucin te nisin sa me shpejt punen e perbashket per reformen zgjedhore, pasi kjo konsiderohet si nje nga kerkesat me te rendesishme per cuarjen e perpara te procesit te integrimit kete vit, si dhe nje baze solide per pergatitjen serioze te zgjedhjeve te 2013-es.
Zoti Patozi, propozon edhe nje veprim tjeter te perbashket. Ai i sugjeron zotit Ruci qe bashkekryetaret e Komisionit per reformen zgjedhore ose keta te dy, si drejtues te grupeve me te medha parlamentare t’i drejtohen me nje leter OSBE-ODIHR dhe Komisionit te Venecias per t’i ftuar qe te asistojne komisionin e Reformes Zgjedhore me ekspertizen e tyre.
Ne fund, zoti Patozi ka rezervuar per zotin Ruci nje garanci se grupi parlamentar i Partise Demokratike do te votoje, pa asnje hezitim, te gjitha amendamentet qe Partia Socialiste do te paraqese ne Komisionin e Reformes Zgjedhore. Dhe kushti i vetem eshte qe keto rekomandime te kene marre me pare vleresimin pozitiv te OSBE-ODIHR dhe Komisionit te Venecias. Ne leter zoti Patozi i kishte propozuar zotit Ruci, qe ne takimin e pakryer te dates 15 te vendosnin per ngritjen e Komisionit per Reformen Zgjedhore brenda ketij sesioni, qe do te thote brenda javes se ardhshme. Gje qe ne fakt, nuk pritet te ndodhe, jo vetem se zoti Ruci nuk ka kthyer pergjigje, por edhe se kreu i socialisteve ka bere te qarte se vetem ne shtator opozita do te hyjne ne parlament.
Top Channel
