Kreu i Partisë Socialiste, Edi Rama, prezantoi sot kandidatin e majtë për Bashkinë e Pogradecit, Artan Shkëmbin.
Artan Shkëmbi garon për mandatin e tij të tretë në krye të bashkisë së këtij qyteti.
“Nga qeveria e sotme nuk ka asnjë investim për Pogradecin. Me Shkëmbin në krye të bashkisë, është Pogradeci që ne duam. Pogradecarët do të votojnë pa ngurrim, pasi PS është e vetmja rrugë. Saliu (Berisa) dhe Iliri (Meta) nuk kanë vota për të marrë, por llogari për të dhënë”, deklaroi Rama gjatë fjalës së tij.
“Më 8 maj, vota popullore do të këpusë zinxhirin e të këqijave”, shtoi kreu i PS-së.
“Kemi fituar 4 beteja të njëpasnjëshme në Pogradec, tani do të fitojmë të gjithë Shqipërinë”, u shpreh kandidati për bashkinë e Pogradecit, Artan Shkëmbi.
“Shpresa e vetme për Shqipërinë është Edi Rama”, theksoi Shkëmbi.
Top Channel
