Droga, goditet grupi shqiptar në Itali
15/03/2011 13:35
Një grup trafikantësh shqiptarë drogash të rënda është shpartalluar nga skuadra speciale e qytetit të Bolonjës në Itali, që ka kryer një seri arrestimesh.
Lajmin e bëjnë të ditur mediat italiane, sipas të cilave gjatë hetimeve që kanë zgjatur tre vjet janë sekuestruar 41 kilogramë heroinë dhe 20 kilogramë kokainë.
Sipas burimeve, operacioni, i koduar me emrin “Non plus Ultra”, ka shkatërruar një strukturë komplekse kriminale që vepronte në veri të Italisë, si dhe në Zvicër e Holandë.
Burimet shtojnë më tej se arrestimet e trafikantëve janë kryer në qytete të ndryshme të Italisë.
Top Channel