Greqi, kapet anija me cigare kontrabandë
18/02/2011 14:35
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Roja bregdetare greke sekuestroi një ngarkesë me cigare kuntrabandë, destinacioni i së cilës ishte porti i Durrësit në Shqipëri.
Sipas autoriteteve, ngarkesa prej 1900 koli cigare kontrabandë të markave të ndryshme, ishte fshehur në hambaret e anijes “Razvenki’’, me flamur ukrainas.
Nga hetimet e kryera nga autoritetet greke rezultoi se ngarkesa ishte futur në hambaret e anijes në një port turko-qipriot dhe kishte destinacion një firmë shqiptare, adresa e së cilës rezultoi se ishte e rremë.
Sipas rojës bregdetare greke, autoritetet kishin informacion prej shërbimeve sekrete për kalimin tranzit të ngarkesës në ujërat greke.
Operacioni u zhvillua 6 milje në det të hapur, jashtë portit të Pireut. Kapiteni i anijes dhe 8 marinarët, të gjithë ukrainas, u arrestuan.
Ata u deklaruan hetuesve se do të dorëzonin ngarkesën në portin e Durrësit gjatë orëve të para të mëngjesit të së hënës së ardhshme. Kapiteni deklaroi se e kishin kryer këtë itinerar të pakten edhe tre herë të tjera.
Top Channel
