Italia kërkon 100 milionë euro nga BE
15/02/2011 09:50
Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
Qeveria italiane ka kërkuar formalisht ndihmë nga Bashkimi Evropian për t’u përballur me fluksin e mijëra tunizianëve që mbërrijnë në brigjet e vendit.
Rreth 5 mijë emigrantë kanë zbarkuar në ishullin e Lampeduzës në ditët e fundit, pas protestave të janarit në Tunizi.
Ndërkohë, lajme të pakonfirmuara tregojnë se të paktën pesë emigrantë kanë vdekur dhe disa të tjerë konsiderohen të humbur pasi varka e tyre u mbyt.
Dëshmitarë të cituar nga agjencia e lajmeve “AFP” deklarojnë se varka u bllokua nga një anije e rojës bregdetare tuniziane.
Ministri i Brendshëm i Italisë, Roberto Maroni ka deklaruar se vendi i tij kërkon 100 milionë euro nga BE për të ndalur fluksin e klandestinëve.
Top Channel
