Meta-Prifti, sot mblidhet Këshilli i Imuniteteve
14/02/2011 12:25
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Sot në orën 14 mblidhet Këshilli i Rregullores dhe Imuniteteve për të diskutuar kërkesën e Prokurorisë së Përgjithshme për heqjen e imunitetit të deputetëve Ilir Meta dhe Dritan Prifti.
Këshilli pasi të diskutojë kërkesën do të hartojë një raport për në seancë plenare, në të cilin rekomandon rrëzimin ose miratimin e dhënies së autorizimit për fillimin e ndjekjes penale ndaj deputetit.
Më pas kërkesa vendoset në rend të ditës së seancës plenare.
Për të dy deputetët është hera e dytë në karrierën e tyre politike që kërkohet heqja e imunitetit.
Në vitin 1992 Kuvendi vendosi t’i heqë imunitetin Ilir Metës, në atë kohë vetëm 22 vjeç me akuzën se ishte përfshirë në revoltën e Çorovodës.
Meta në atë kohë ishte deputet i Partisë Socialiste në Skrapar.
Kuvendi votoi pro heqjes se imunitetit. Ndërkohë që për deputetin Dritan Prifti u kërkua heqja e imunitetit në vitin 2001, por ishte vetë Prokuroria e Përgjithshme që pas disa muajsh tërhoqi kërkesën.
Top Channel
