Egjipt, protesta me karakter ekonomik
14/02/2011 15:10
Dyshohet se rrëmbeu gruan e tij, FBI: Arrestohet në Florida burri i amerikanes që u zhduk teksa ndodhej në Spanjë 07/05 20:55
Protesta të reja u mbajtën gjatë ditës në Egjipt, ndërsa demonstruesit kanë kaluar nga protestat me karakter politik, në ato ekonomike.
Me dhjetëra mijëra persona u grumbulluan sërisht në sheshin Tahrir dhe rrugët e tjera kryesore të Kajros, duke kërkuar rritje pagash nga junta ushtarake që do të drejtojë vendin në gjashtë muajt e ardhshëm.
Sipas BBC, ishin punonjësit e bankave, transporteve dhe turizmit ata që formuan turmat e ditës së sotme.
Protesta u zhvillua e qetë, me policinë dhe forcat ushtarake që shprehën solidarizim me protestuesit.
Që prej dorëheqjes së presidentit Hosni Mubarak, miniprotesta po zhvillohen çdo ditë në Egjipt dhe shumica e tyre kanë karakter ekonomik.
Autoritetet ushtarake që do të drejtojë vendin deri në shtator, kanë një sfidë të madhe përpara në pengimin e grevave të urisë, që mund të riparalizojnë jetën normale të vendit me 84 milion banorë.
Top Channel
