Kosovë, fluturojnë çmimet
05/02/2011 19:55
Zgjedhjet e parakohshme në Kosovë, ja kush janë më të votuarit për deputetë deri më tani 31/12 10:01
Muaji dhjetor ka shënuar rritjen më të madhe të çmimeve të ushqimeve bazë në Kosovë.
Megjithëse enti i statistikave ende, nuk ka dalë me të dhënat e ngritjes së çmimeve, sipas tregtarëve, produktet elementare ushqimore, që nga dhjetori kanë shënuar rritje me rreth 14%.
Qytetarët thonë se, kjo është ngritja me e lartë që kanë përjetuar ndonjëherë.
Sipas tyre, është e padrejtë të rriten çmimet kur pagat mbeten të njëjta.
Njohës të çështjeve ekonomike shpjegojnë se, këto ngritje çmimesh do të thellojnë tej mase buxhetin dhe thellojnë varfërinë e familjeve kosovare.
“Refleksioni i zhvillimeve në tregun ndërkombëtar meqënëse ndikon deri diku 70-80 përqind të trendit të çmimeve të caktuara nga importi, për shkak të varësisë së madhe të Kosovës, prej tregjeve ndërkombëtare. Është edhe efekti psikologjik i vendimit për ngitjen e pagave”, tha Ibrahim Rexhepi, njohës i çështjeve ekonomike.
Një litër nafte para muajit dhjetor ishte 1 euro e 10 centë, ndërkohë tani ka arritur në 1.20.
Për këtë shkak janë ngritur edhe çmimet e të gjitha biletave të udhëtimit.
Top Channel
Zgjedhjet e parakohshme në Kosovë, ja kush janë më të votuarit për deputetë deri më tani 
