PE: Ndërmjetës nga BE për Shqipërinë
24/01/2011 20:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Liberaldemokratët në Parlamentin Europian flasin për nevojën e një ndërmjetësimi ndërkombëtar në Shqipëri pas ngjarjeve tragjike të së premtes dhe pasojave politike të ditëve që vijuan.
Zëdhënësja e grupit parlamentar liberlademokrat, Marie Tieshake është shprehur e irrituar për ngjarjet dhe ka kërkuar nga klasa politike që të ulë tonet.
“Janë të papranueshme përleshjet në Tiranë për një vend që aspiron të bëhet pjesë e BE-së. Jam e shokuar nga dhuna, si dhe nga qëndrimet e kryeministrit Berisha dhe liderit të opozitës, Rama. Shefja e politikës së jashtme të BE, Catherine Ashton duhet të caktojë një ndërmjetës nga BE për Shqipërinë, për të kthyer dialogun e arsyeshëm politik në këtë vend dhe që qytetarët të mos zhgënjehen më nga partitë politike”, ka deklaruar Tieshake.
Tieshake ka bërë thirrje për një hetim mbi tre viktimat e protestës së 21 janarit, si dhe ka paralajmëruar një debat të posacëm për Shqipërinë në Parlamentin Evropian.
Top Channel
