Irlandë, vendi në zgjedhje të parakohshme
20/01/2011 19:00
Kryeministri irlandez Brian Cowen ka thirrur për më 11 mars mbajtjen e zgjedhjeve të parakohshme në Republikën e Irlandës.
Lajmin e bëjnë të ditur mediat britanike, sipas të cilave vendimi i Cowen është marrë pas dorëheqjes së gjashtë anëtarëve të qeverisë së tij.
Ndërkohë, FMN ka reaguar lidhur me hipotezën për reduktimin e taskës së interesit për ndihmat financiare që i janë dhënë Dublinit.
“Norma e interesit për borxhin e FMN-së mund të ndryshojë kur qëndrueshmëria e kuotave të vendeve të ndryshme që përfaqësohen nga Fondi do të jetë ekzekutive”, ka deklaruar zëdhënësi i FMN, David Hawley.
Top Channel