Tunizi, ushtria patrullon rrugët e vendit
15/01/2011 08:00
Elon Musk planifikon bashkimin e SpaceX dhe Tesla, BBC: Ja çfarë synon të arrijë 21/10 17:03
Skema e ngjyrave
Madhësia e shkrimit
Tanqe dhe mjete të tjera të armatosura janë duke patrulluar rrugët kryesore të Tunizit sot në mëngjes, pasi Kryeministri lajmëroi se do të marrë përsipër edhe detyrën e presidentit të përkohshëm, lajmëroi në mëngjes rrjeti informativ CNN.
Kryeministri Mohamed Channouchi lajmëroi në një television shtetëror se ka marrë përsipër edhe detyrat e presidentit Zine El Abidine Ben Ali, i cili u arratis natën e shkuar për në Arabinë Saudite.
Ben Ali ka drejtuar vendin që prej vitit 1987. Përpara se të braktiste Tunizinë, ai shpërndau qeverinë dhe dekredoi gjendjen e jashtëzakonshme, në bazë të së cilës mund të qarkullosh në rrugë nga ora pesë e mëngjesit deri në shtatë dhe nuk mund të ecësh i shoqëruar me më shumë se tre persona.
Në protestat e dhunshme antiqeveritare që kanë shpërthyer prej ditësh në vendin magrebin, 23 persona kanë humbur jetën zyrtarisht, por sipas raporteve të organizatave të të drejtave të njeriut, numri i vërtetë është mbi 60.
Top Channel
