Bastet, kush fiton tatohet me 10%
13/01/2011 08:35
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Edhe bastet konsiderohen në një farë mënyrë një aktivitet fitimprurës për shumë individë që janë me fat në lojëra. Për këtë arsye, Financat me udhëzimin e ri, fusin një detyrim që duhet të paguajnë fituesit e basteve.
“Në rastet e të ardhurave të realizuara nga pjesëmarrjet në lojërat e fatit, si bastet, bingot, bastet online, lotari etj, tatimi në burim llogaritet dhe mbahet nga organizatori i lojës mbi shumën bruto të fituar”, thuhet në udhëzim.
Shuma bruto, mbi të cilin llogaritet tatimi mbi burim është diferenca midis fitimit të lojtarit me shumën e paguar për biletën, ose diferenca midis fitimit të lojtarit me shumën e vënë në bast.
Për rastet kur të ardhurat krijohen nga kazinotë, individi lojtar duhet të bëjë një vetëdeklarim pranë organizatorit të lojës së fatit mbi shumën e luajtur në kazino.
Bazuar mbi këtë shumë të luajtur, organizatori llogarit tatimin në burim si diferencë midis shumës së fituar dhe shumës së luajtur.
Lidhur me sendet e fituara në lotari, si p.sh makina, vlera e tyre do llogaritet sipas tregut.
Top Channel
