Topalli: Policia, masa kundër aksidenteve
27/12/2010 17:40
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Shefi i policisë rrugore, Vullnet Topalli ka reaguar pas aksidenteve të shumta të ndodhura gjatë fundjavës, duke deklaruar se ato nuk janë përgjegjësi e policisë.
Në një konferencë për shtyp, Topalli është shprehur se nga ana e saj, policia rrugore ka marrë masat, duke rritur praninë e saj dhe kontrollet në akset kryesore të vendit.
“Policia ka marrë masa në këto ditë festash. Është rritur prania policore në akset rrugore dhe janë ushtruar kontrolle për respektimin e kodit rrugor. Gjatë vitit 2010 aksidentet janë reduktuar me 19.3%”, ka deklaruar Topalli.
Këtë fundjavë rrugët e vendit njohën një nga përgjakjet më të mëdha, pasi vetëm ditën e diel u regjistruan 8 viktima në aksidente rrugore.
Duket se shteti shqiptar e ka humbur betejën për vendosjen e rregullave në qarkullimin rrugor dhe në uljen e aksidenteve, që vijnë edhe nga mungesa e disiplinës së drejtuesve të automjeteve.
Top Channel
