PBDNJ, akuza Berishës
18/12/2010 20:20
Partia Bashkimi për të Drejtat e Njeriut mblodhi konferencën e Tiranës, ku veç çështjeve organizative, u diskutua edhe aktualiteti politik.
Kryetari Vangjel Dule akuzoi qeverinë se po feston për lëvizjen pa viza, ndërkohë që në lëmin e integrimit, Shqipëria ka mbetur në klasë.
Po ashtu, kryetari i PBDNJ-së akuzoi kryeministrin Berisha se po përçan përfaqësuesit e minoritetit grek, duke i ofruar poste shtetërore në Ministrinë e Punës dhe Drejtoritë e saj.
Sipas zotit Dule, përfaqësuesit e vërtetë të minoritetit grek nuk do t’i dorëzohen kësaj politike, duke konfirmuar qëndrimin në opozitë të PBDNJ-së.
Top Channel