Deputeti socialist Sajmir Tahiri në një intervistë për Top Channel ka deklaruar se vendimi negativ për statusin e kandidatit nga KE, është një dështim i madh për qeverinë dhe kryeministrin Sali Berisha.
Ai theksoi se opozita ka bërë gjithçka për zgjidhjen e krizës politike në vend, e cila kalon përmes transparencës së zgjedhjeve.
“Është dështimi i madh i qeverisë dhe fajtor për këtë është Sali Berisha. Vendi duhet t’i nënshtrohet zgjedhjeve të parakohshme”, tha Tahiri.
“PS ka bërë gjithçka është në dorën e saj për zgjidhjen e krizës. Në jemi për zgjidhjen e cila kalon nëpërmjet transparencës së zgjedhjeve. Ne kemi kërkuar zgjidhjen e tyre të menjëhershme edhe në parlament. Presim menjëherë zgjidhjen e krizës dhe njeriu i vetëm që duhet të bëjë këtë zgjidhje mbetet Sali Berisha”, theksoi Tahiri.
Top Channel
