Vizat, Frattini uron Shqipërinë
08/11/2010 19:30
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Vendimi i Bashkimit Europian për heqjen e regjimit të vizave me Shqipërinë dhe Bosnjen, me qëllim inkurajimin e reformave demokratike në dy shtetet ballkanike, është përshëndetur me mjaft entuziazëm nga ministri i Jashtëm italian, Franco Frattini.
Frattini, një prej mbështetësve më të zjarrtë të lehtësimit të këtij regjimi, e përshkroi këtë hap të Brukselit si një lajm shumë të mirë për Tiranën.
“Dua të përgëzoj qeverinë dhe popullin shqiptar e atë boshnjak. Ky vendim është shpërblimi i duhur për angazhimin dhe vendosmërinë me të cilat të dy vendet kanë punuar për arritjen e këtij objektivi strategjik”, ka deklaruar shefi i diplomacisë italiane.
“Dëshiroj t’iu uroj qytetarëve të Shqipërisë dhe Bosnjes mirëseardhjen në Europën e lëvizjes së lirë”, ka shtuar ai.
Top Channel
