Presidenti i Republikës, Bamir Topi ndodhet në Shangai të Kinës për të vizituar ekspozitën “Ekspozita Universale Shangai 2010”.
Në ditën e parë të qëndrimit në Shangai, presidenti dhe zonja e parë vizituan Qendrën e Kërkimit dhe të Zhvillimit të kompanisë prestigjioze kineze të teknologjisë dhe komunikacionit “Huauei”.
Presidenti Topi u takua me zëvendëspresidentin e kompanisë, zotin Jiang Xia. Zv/presidenti i kompanisë “Huauei” shprehu interes për bashkëpunimin dhe zgjerimin e marrëdhënieve me Shqipërinë dhe e informoi kreun e shtetit mbi planifikimin e hapjes së afërmi të një dege të kësaj kompanie edhe në Kosovë.
Në përfundim të vizitës u nënshkrua marrëveshja e bashkëpunimit midis “Huauei” dhe dy kompanive shqiptare të telefonise, për projektin e bashkimit të rrjeteve të telefonisë fikse dhe celulare.
Gjithashtu, gjatë ditës së sotme, presidenti Topi dhe zonja e parë vizituan disa prej vendeve historike dhe kulturore më të rëndësishme të Shangait.
Top Channel