Berisha: Pavarësia, cështje e përfunduar

Ligjëruesi i së drejtës ndërkombëtare, Fejzulla Berisha, thotë se, shteti serb përmes kësaj projekt-rezolute po tenton t’i hyjë çështjes së statusit politik të Kosovës.  

Por, ai, as nuk e con ndërmend se në këtë Asamble mund të ndodhë miratimi i rezolutës serbe, kështu siç është.

“Çështja e pavarësisë së Kosovës është e përfunduar. Italianët i thonë “finere – finato”. D.m.th bashkësia ndërkombëtare ka investuar për ditët e sotme që Kosova të jetë e pavarur, në sofrën e familjeve ndërkombëtare”, thotë Berisha.

Por, për analistin politik, Ramush Tahiri, miratimi i kësaj projekt-rezolute të Serbisë, të pamodifikuar, synon që Asambleja e Përgjithshme të nxisë dialog, qoftë edhe për statusin politik, ndërmjet Serbisë dhe shqiptarëve, e jo Kosovës si shtet.

“Kosova përmes miqve ose shteteve të rajonit të ketë një rezolutë të sajën, e cila do të koncentrohet në dy pika. E para: që mendimi i Gjykatës të mirret si i mirëqenë. Dhe, e dyta: që duhet të happen bisedimet, edhe me prezencën ndërkombëtare, ndërmjet Kosovës dhe Serbisë si dy subjekte të barabarta”, tha Tahiri.

Tahiri dhe Berisha, në këtë drejtim, e shohin të rëndësishëm presionin që po e bëjnë vendet e fuqishme që Serbia të ndryshojë projekt-rezolutën, në mënyrë që të hiqet nga teksti pjesa ku përmendet statusi politik i Kosovës.

Sido që të jetë, në anën tjetër janë drejtuesit e institucioneve vendore, që shprehen se Kosova do të ngadhnjejë edhe kësaj here.

Këtë e dëshmon edhe optimizmi i kryeministrit Hashim Thaçi, i cili, ndonëse pyetet për gjëra tjera, nuk ngurron perherë që të përgjigjet:

“Do të fitojmë edhe në Asamblenë e Përgjithshme”, u shpreh Thaci.

Top Channel