Eci me shpejtësi, 900 mijë euro gjobë
13/08/2010 13:25
Një gjobë rekord prej 928.770,45 eurosh është vendosur nga autoritetet zvicerane ndaj një 37 vjeçari që ka thyer rregullat e qarkullimit rrugor.
Të premten e shkuar, ai është fotografuar nga një autovelox në autostradën A12 mes Bernës dhe Losanës, teksa ishte duke udhëtuar me 290 kilometra në orë.
Nëse gjatë rrugës të mos ishte një kamerë e gjeneratës së fundit, suedezi nuk do të ishte gjobitur për shkeljen.
Në fakt modelet më të vjetër ishin në gjendje të tregonin një shpejtësi që shkonte deri në 200 km/h.
Një përfaqësues i policisë ka deklaruar se nuk është regjistruar ndonjëherë shpejtësi më e madhe në historinë e Zvicrës.
Top Channel