Kinë, 100 mijë të evakuar nga moti i keq
24/07/2010 20:40
Mbi 100 mijë persona janë evakuar në Sicuan, në jug-perëndim të Kinës, për shkak të rritjes së nivelit të lumit Jangtze, si pasojë e motit të keq.
Pjesa e sipërme e lumit, më i gjati në Kinë, po arrin nivelin më të lartë që prej vitit 1987, ndërsa në pjesën qëndrore dhe atë të fundit niveli i ujit ka arritur mbi atë maksimal të regjistruar në 2003-shin.
Kryeministri kinez Wen Jiabao u ka bërë thirrje banorëve që të përgatiten për më të keqen. Përmbytjet këtë vit në Kinë kanë shkaktuar 742 të vdekur dhe 367 të zhdukur.
Top Channel